100 Jahre Falkastoaner- 100 Jahr Tradition und Brauchtum in Inzell

Wer hätte des denkt, das aus die Anfänge vor 100 Johr im Gasthof zur Post amoi a Verein werd, der hunderte von Mitgliedern hot, und des Gaufest vom Gauverband zum 2. moi ausricht.
A Aktiver Verein, der im Gauverband verwurzelt is, und mim Gambs Pauli unseren langjährigen Vorstand gstellt hot, und der Pauli der war in dera Woch sicher stolz auf seine Inzeller.
Die Falkastoaner ham im Rahmen der Festwoche zum Inzeller Gaufest ihr hundertjahriges Gründungsfest im Inzeller Bierzelt gfeiert.
Am Sonntag nach dem Gaufest hot a Trachtler gsogt, des war so a Pfundiges Gaufest , jetzt liabe Inzeller , derfts amoi richtig feiern.
Und des hams gmacht, vor an voin Zelt , mit Freind aus den Nachbarorten, mit Trachtlern und vui vui andere Gäst .
Und die Inzeller ham no amoi zoagt , wos in eahnan Verein steckt. Die Jugend mit über 30 Buam und Dirndl´n die Kindergruppen von der Spannring Irmi und an Paststötter Hubert. Die Aktiven die vui vom Egger Toni glernt ham, die Inzeller Vereinsmusin, die Okarinamusi,die Goaslschnoalzer, die Adlgasser Sänger, wo der 2. Vorstand mitsingt., Kinder die Gedichterl sogn…. Die Junga Ziacherer und eahna Bass, Sauber - Bei de Falkastoaner is allerhand los.
Und so is a des 100Jahrige ein rundum gelungener Abend worn. Mit der Rosenstoa Musi , die Atzenberger Sänger und der Inzeller Musikappelle und mit schneidige Plattler, saubere Dirndl, liabe Kinder und an ansprechenden Programm, durch des da Berger Lenz mit Humor gführt hot.
Es war nia fad, und oiwei schee. Die Patenvereine, und die Nachbarn ham gratuliert , und schneidig plattelt. Selbst da Gauvorstand da Eicher Peter hot bei seine Weikertstoana mitplattelt. Respekt. Und am Schluss ham die Aktiven no amoi eahnan Stern mit 16 Paarl gmacht. Des war dann da würdige Abschluss unter eahna Jubelfest. Der Egger Toni der eahna so vui glernt hot, is auf da Bühne beim Stern dann dabei gwesn, sichtlich stolz, auf seine Buam und Dirndl´nUnd wenn ma des ois auf da Bühne siagt, dann is oan um de Falkastoaner ned bang, denn do passt da Zsamhoit , und wir wünschen ehana , das des no 100 Johr so weiter geht.

Mit trachtlerischem Gruas
Gaupressewart Matthias Sellhuber